يايــمه ليه تبكــــين..

يايمه ليه تبكين كل ما شافتك وعينـك لـي ؛،؛
تخاف أموت يايمه ... وقبل الموت تبكيـني

تكفىين يايمه لا تبكين وأنا موجود معك وحـي؛،؛
أجل بعد الرحيل أشلون في قبري توطينـي

يايمه لو تموت الناس ماتسوى دموعـك ذي ؛،؛
وأنا يايمه ميت قبل أموت وأنـتي محيينـي

قسم بالله يايمه لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يايمه ماعلى عمري حسافه ولا بقا بي شي ؛،؛
ولكـن بطلبـك يايمه تكفين وامانه لا تخلينـي

يايمه مابي غيرك يغسـل جثتـي بالمـي ؛،؛
وتكفىين قبل لا أتكفن .. يايمه فكيلـي عينـي

بأمر الله يمكن ألمحك وأرحل في عيني ضي ؛،؛

وودع وجهك الطاهر مع دنيـاي وسنينـي

وخلي الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يايمه نزلوني شوي شـوي ؛،؛
ووجهينـي لبيـت الله .. وقبلـه المصلينـي

وحطي الطين وأدفنوني وعزاللي يعـزي فـي ؛،؛
ثلاث أيام يايمه .. يواسـونك والمعزينـي

ورابع يوم يايمه تذكري .. ضحكتي وعني ؛،؛
تذكري وش كنت أقول يـوم أنـك تنادينـي

تذكري يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكري جرة الموال وصوت في حبالـه كـي ؛،؛
تذكري يوم أغني لك قصيدي وانت توحينـي

تذكري ضحكتك لا قلتلك يايمه هذي عشقي هـي ؛،؛
تذكري كم قصيدة خافيه مـا بينـك وبينـي

تذكري كل شي كان وأذكري يـوم انـا حـي؛،؛
ولكـن أسالـك بالله يايمه امانه لا تبكيـنـي

إحتراامي لكم

رااااااااااااااااااااااااااااااااااااااااااااااااااااااااااااااااااااااااااااااااااااااائع تستحق الاداره بجداره

يا مدير